Sommige deistige dingen binne hiel oars as men tinkt…
Sa binne tûkjes en foarkjes eins hielendal gjin deistige dingen, mar ûnderdielen fan bisten.
Mar om’t minsken altyd alles skiftsje en opromje - de foarkjes by de foarkjes en de tûkjes by de tûkjes - wit hast gjinien dat.
Troch dizze nuvere manier fan dwaan sjochst de helte fan de bisten net iens, wylst der hast oer stroffelest.

Froeger wie der in keunstner dy’t Michelangelo hiet. Hy sei dat der yn in blok moarmer in byld ferstoppe siet en dat hy dat der úthelje moast.
Mei dy tûkjes en foarkjes is it eins krekt sa: moatst gewoan alles by elkoar sjen te finen en do hast it bist.

Soms sjogge grutte minsken wolris frjemd as ik in krom deksel fan in bus ferve fan ’e grûn pak. Mar ik wit wol better: dit is net allinnich in deksel, it is it skyld fan de skylpod!

Sjoch mar yn it boek.

Machiel Braaksma